അത്ഭുതദ്വീപ്

*******************

കണ്ണ് തുറന്നപ്പോൾ ചുറ്റും ഇരുട്ട് പരന്നിരിക്കുന്നു.

എല്ലായിടത്തും നിശബ്ദത മാത്രം.അയാൾ പതിയെ കാതോർത്തു,കടലിന്റെ ഇരമ്പൽ അയാളുടെ കാതിൽ കേട്ടു.

അയാൾ എഴുന്നേറ്റ് ആ ശബ്‍ദം ലക്ഷ്യമാക്കി നടന്നു,അടുക്കുംതോറും ആ ശബ്‍ദം വീണ്ടും വീണ്ടും അകന്നുകൊണ്ടിരുന്നു.

അയാൾക്ക് വല്ലാതെ വിശക്കാൻ തുടങ്ങിയിരിക്കുന്നു അടുത്ത് കടയുള്ളതിന്റെ ലക്ഷണം ഒന്നും ഇല്ല,ചുറ്റും നോക്കിയപ്പോൾ ദുരെ ഒരു റാന്തൽ വെളിച്ചം കണ്ടു അയാൾ അതിന്റെ അടുത്തേക്ക് ഓടി അവിടെ ഒരു ഉന്തുവണ്ടി ഉണ്ടായിരുന്നു അത് നിറയെ ഭക്ഷണവും.അയാൾ വിശപ്പ് മാറുന്നത് വരെ ഭക്ഷണം കഴിച്ചു,വീണ്ടും ആ കടലിന്റെ ഇരമ്പൽ കേട്ടു,ആ റാന്തലും എടുത്ത് അയാൾ ഓടി

കുറെ ദൂരം ചെന്ന ശേഷം ആ ഉന്തുവണ്ടി അപ്രതീക്ഷ്യം ആയിരിക്കുന്നു.....

ഉള്ളിൽ ഭയം കൂടി കൊണ്ടിരുന്നു അങ്ങനെ ഒടുവിൽ അയാൾ കടൽ തീരത്ത് എത്തി.ആരോ പിന്നിൽ ഉള്ളതായി അയാൾക്ക് തോന്നി ഉള്ളിലെ ഭയം വെച്ചുകൊണ്ട് തിരിഞ്ഞു നോക്കി,പെട്ടന്ന് എന്തോ വന്ന് ശക്തമായി അയാളുടെ തലക്ക് പിന്നിലിടിച്ചു ,ഇടിയുടെ ആഘാതത്തിൽ അയാൾ വെള്ളത്തിലേക്ക് വീണു.......

അയാൾ ഏതോ കടൽത്തീരത്ത് അടിഞ്ഞിരിക്കുന്നു.വെള്ളം കുടിച് വയർ വീർത്തിരുന്നു.

പതിയെ കണ്ണ് തുറന്ന് അയാൾ എഴുനേൽക്കാൻ ശ്രമിച്ചു.ശരീരം മുഴുവൻ നല്ല വേദന കൈയും കാലും ഒന്നും അനക്കാൻ വയ്യ......

കാലുകൾ അവിടെ ഉണ്ടോ എന്ന് തിരിച്ചറിയാൻ പോലും പറ്റുന്നില്ല.

അയാൾ പതിയെ എഴുന്നേറ്റ് കുറച്ചു സമയം ഇരുന്നു.

ചില്ലുകഷണങ്ങൾ പോലെ ചിതറിപ്പോയ ഓർമ്മകൾ ഓർത്തെടുക്കാൻ അയാൾ ശ്രമിച്ചു........

North Sentinal എന്ന ആൾതാമസമില്ലാത്ത ദ്വീപ് ലക്ഷ്യമാക്കി സഞ്ചരിച്ച 6 അംഗ സംഘത്തിലെ ഒരാൾ ആണ് ജോർജ് തോമസ്......

ഒരു ചുഴിയിൽ പെട്ട് അവർ സഞ്ചരിച്ചിരുന്ന കപ്പൽ അപകടത്തിൽ പെടുകയായിരുന്നു....

അയാൾക്ക് ഓർമ്മകൾ തിരികെ കിട്ടി.....

കൈവശമുണ്ടായിരുന്ന മാപ്പ് എവിടെയോ നഷ്ടപ്പെട്ടു കയ്യിൽ ആകെയുള്ളത് ഒരു കോംപസ്സ് മാത്രമാണ്.

അവർക്ക് എത്തിച്ചേരേണ്ടിയിരുന്ന ദ്വീപിൽ നിന്നും വടക്ക് മാറി ആൻഡമാൻ ഐലൻഡ്കളുടെ സമൂഹത്തിൽ പെട്ട ഏതോ ഒരു ദ്വീപിൽ ആണ് അയാൾ വന്നു പെട്ടിരിക്കുന്നത്.ഇതുവഴി സീ റൂട്ടും എയർ റൂട്ടും ഉള്ളതായി തോന്നുന്നില്ല ബർമുഡ Triangle സമാനമായ ഒരു ചുഴി ആണ് അവിടെ ഉള്ളത് അതുകൊണ്ട് ഷിപ്പും ഫ്ലൈറ്റും ആ വഴി വരാൻ സാധ്യത കുറവാണ്.

അയാൾ വല്ലാതെ നിരാശനായി.പൂർണ്ണ ഗർഭിണിയായ ഭാര്യയെ ഒറ്റക്ക് ആക്കിയിട്ടാണ് അയാൾ യാത്രക്ക് പുറപ്പെട്ടത് അവൾ ഇപ്പോൾ പ്രസവിച്ചുകാണും.....

അയാൾ മനസ്സിൽ ഓർത്തു.

അയാൾ ആ ദ്വീപിലൂടെ പതിയെ നടന്നു അതി മനോഹരമായിരുന്നു അവിടുത്തെ കാഴ്ചകൾ പേരറിയാത്ത ഒരുപാട് മരങ്ങളും ചെടികളും അവ നിറയെ പഴുത്തു നിൽക്കുന്ന.

അയാൾക്ക് വിശപ്പ് തുടങ്ങിയിരിക്കുന്നു.മരത്തിൽ നിന്നും ഇളം നീല നിറമുള്ള ഒരു ഫലം അയാൾ പറിച്ചു കഴിച്ചു ആപ്പിൾ കഴിക്കുന്ന പോലെ നല്ല മധുരം അയാൾ വയറു നിറയെ കഴിച്ചു ശേഷം പതിയെ നടന്നു അയാൾക്ക് തല ചുറ്റുന്നതായി തോന്നി.ഇടക്ക് എപ്പോഴേ ബോധരഹിതനായി താഴെ വീണു .

കുറെ മണിക്കൂറുകൾക്ക് ശേഷം ബോധം തിരിച്ചുകിട്ടി കൂടുതൽ ഉന്മേഷവാനായി അയാൾക്ക്‌ തോന്നി.

ദൂരെ കടലിൽ നങ്കൂരം തിരികെ കയറ്റി യാത്ര തുടങ്ങാൻ പോകുന്ന ഒരു കപ്പൽ അയാളുടെ ശ്രദ്ധയിൽ പെട്ടു ഒരുപാട് സമയം ഒച്ച വെച്ച ശേഷം കപ്പിത്താൻ അയാളെ കണ്ടു......

വെള്ളത്തിൽ പൊങ്ങി കിടന്ന കുറച്ചു തടിയും മരത്തിന്റെ വള്ളിയും കെട്ടി അയാൾ ചങ്ങാടം ഉണ്ടാക്കി ആ വലിയ കപ്പൽ ലക്ഷ്യമാക്കി തുഴഞ്ഞു കുറെ തുഴഞ്ഞു അയാൾ കപ്പലിൽ എത്തി.

കപ്പിത്താൻ അയാളെ സ്വാഗതം ചെയ്തു.

കുളിച്ചു വസ്ത്രം മാറി വന്ന അയാൾക് അവർ ഭക്ഷണം കൊടുത്തു ഒപ്പം കപ്പലിൽ ഒരു മുറിയും നൽകി അയാൾ തന്റെ മുറിയിൽ കിടന്നുറങ്ങി. കടലിൽ റേഡിയോ ആക്റ്റീവ് വെയ്സ്റ്റ് നിക്ഷേപിക്കാൻ വന്ന ശേഷം മടങ്ങുന്ന കപ്പൽ ആണ് അത് 4 ദിവസത്തിനകം ഇന്ത്യയിൽ എത്തും എന്നും കപ്പിത്താൻ അയാളെ അറിയിച്ചിരുന്നു.....

4 ദിവസത്തെ യാത്രക്ക് ശേഷം കപ്പൽ കേരളത്തിൽ എത്തി.... ഉദ്യോഗസ്ഥരോട് നന്ദി പറഞ്ഞു അയാൾ വീട്ടിലേക്ക് മടങ്ങി.

അവിടെ അയാളുടെ ഭാര്യ ഒരു സുന്ദരി പെൺകുഞ്ഞിന് ജന്മം നൽകി ഏതാണ്ട് 3 ആഴ്ചത്തെ വിശേഷം പറയാൻ ഉണ്ടായിരുന്നു അയാൾക്ക്‌.....

തന്റെ സഹ യാത്രികരെ പറ്റി വിവരങ്ങൾ ഒന്നും അയാൾക്ക് ഇല്ലായിരുന്നു.അത് അയാളെ ഒരുപാട് വിഷമിപ്പിച്ചിരുന്നു.

അയാൾ ടി വി യിൽ വാർത്ത കേട്ടുകൊണ്ടിരിക്കുകയായിരുന്നു,ഏതാണ്ട് 4 ആഴ്ചകൾക്ക് മുൻപ് 12 ജീവനക്കാരുമായി,റിബെർറ്റോസ് എന്ന കമ്പനിയുടെ റേഡിയോ ആക്റ്റീവ് വെയ്‌സ്റ് ഡിസ്പോസ് ചെയ്യാൻ കടലിൽ പോയ കപ്പൽ കാണ്മാനില്ല !!

4 മണിക്കൂർ മുന്നേ അയാൾ സഞ്ചരിച്ച അതെ കപ്പൽ 4 ആഴ്ചകൾക്ക് മുന്നേ കാണാതായി !!

അപ്പോൾ ആ ദ്വീപ് ആ നാവികൻ അയാൾ അമ്പരപ്പോടെ ടി വി യിലെ വാർത്ത നോക്കികൊണ്ടിരുന്നു...

അക്ഷയ്.