ഏലത്തോട്ടത്തിലെ മാലാഖ-3....
------------------------------------------------
'വാട്ട് നോ നെവർ...സർ എന്താ ഈ പറയുന്നത്.. ഞാനോ ഞാൻ എന്തിന് അവളെ....'
അയാൾ വല്ലാതെ പാനിക് ആകുന്നത് ഞാൻ ശ്രദിച്ചു.....ആരെയോ പേടിക്കുന്നത് പോലെ...എന്തോ മറക്കാൻ ശ്രമിക്കുന്നത് പോലെ.......
'ക്രിസ്റ്റി... നീ മിടുക്കനാ... നന്നായി അഭിനയിച്ചു.. അല്ല അഭിനയിച്ചുകൊണ്ടിരിക്കുന്നു.......'
അയാൾ മറുപടി ഒന്നും പറയാതെ... ജനാലയിലൂടെ പുറത്തേക്ക് നോക്കികൊണ്ടിരുന്നു.....മുറിക്കുള്ളിലേക്ക് നല്ല തണുത്ത കാറ്റുവീശുന്നുണ്ട്.....
മേശയുടെ ചെയർ വലിച്ചെടുത്ത് ഞാൻ അയാളുടെ മുന്നിൽ ഇരുന്നു....
'ക്രിസ്റ്റി വൈകിട്ട് നിന്നെ കണ്ടപ്പോൾ തന്നെ ഞാൻ ശ്രദ്ദിച്ചിരുന്നു...... ഈ എസ്റ്റേറ്റിൽ ഇംഗ്ലീഷ് അറിയുന്ന ഒരു ജോലിക്കാരൻ....അവിടെ പിഴച്ചു തുടങ്ങി നിന്റെ ചുവടുകൾ ക്രിസ്റ്റി....പിന്നെ നീ നിന്റെ ഭാര്യയെ അടുത്ത വീട്ടിൽ ആക്കി എന്ന് പറഞ്ഞ ഒരാവശ്യവുമില്ലാത്ത ഒരു നുണ.....
ഇന്ന് രാത്രി എയ്ഞ്ചലിന്റെ വീട്ടിൽ എത്തുന്നതിന് മുന്നേ നിനക്ക് വേണ്ടി ഞാൻ ഒരു കെണി ഒരുക്കിയിരുന്നു.... എന്റെ ഊഹങ്ങൾ ശരിവെക്കുംപോലെ നീ കൃത്യമായി അതിൽ തന്നെ വീണു.... എല്ലാത്തിനും പുറമെ നിന്റെ കൈയിൽ ഞാൻ കണ്ട ആ മുറിപ്പാട്... ഒപ്പം അവളുടെ ഈ ഡയറിയും അത് എല്ലാം നിന്റെ ജാതകം എനിക്ക് കാണിച്ചുതന്നു............നിന്റെ മുന്നിൽ മറ്റുവഴികൾ ഒന്നുമില്ല ക്രിസ്റ്റി...കാമോൻ സ്പീക്ക് അപ്പ് മാൻ...'
അയാളുടെ കണ്ണുകൾ നിറഞ്ഞിരുന്നു.....എന്തോ പറയാൻ ശ്രമിക്കുന്നത് പോലെ.....
'ഇല്ല..... ഞാൻ ഞാൻ കൊന്നിട്ടില്ല അവളെ എന്റെ എയ്ഞ്ചൽനെ...........'
'എസ് യു സൈഡ് ഇറ്റ്...'
'എനിക്ക് ഒന്നുമറിയില്ല സർ... ഒന്നും.. ഞാൻ അല്ല..... അവളെ....'
'അവളുടെ മരണം,അത് ഉണ്ടായത് എങ്ങനെയാണെന്ന് നിനക്കറിയാം ക്രിസ്റ്റി....
ഇപ്പോൾ എയ്ഞ്ചൽ കൊല്ലപ്പെട്ടാൽ എല്ലാ വിരലുകളും പാപ്പച്ചൻ മുതലാളിയിലേക്ക് നേരെ ചുണ്ടും എന്ന് നിനക്കറിയാം....അയാളുടെ ജീവിതത്തിലെ എല്ലാ നഷ്ടങ്ങൾക്കും കാരണം അവൾ ആണ് എന്ന് അല്ലെ അയാളുടെ വിശ്വാസം... അങ്ങനെ തക്കം പാർത്തിരുന്നു ഒടുവിൽ....'
'അല്ല സർ ഒരിക്കലുമല്ല.... അവളുടെ മരണത്തിന് കാരണം....'
'എന്താണ് ക്രിസ്റ്റി നീ മറക്കാൻ ശ്രേമിക്കുന്നത്.... ആരെയാണ് നിനക്ക് രക്ഷിക്കേണ്ടത്..... എന്ത് മറക്കാൻ ശ്രേമിച്ചാലും അതിന്റെ എല്ലാം ആയുസ്സ് നാളെ രാവിലെ വരെ മാത്രമാണ്.......'
'പാപ്പച്ചൻ മുതലാളിയുടെ മകൻ ടോണി.... അവൻ പറഞ്ഞിട്ടാണ് സർ..... പക്ഷെ ഞാൻ കൊന്നിട്ടില്ല..സർ കൊന്നിട്ടില്ല ...................'
അയാൾ പൊട്ടിക്കരയാൻ തുടങ്ങി..അവൻ വീണ്ടും സംസാരിച്ചു തുടങ്ങി.....
'കഴിഞ്ഞ കുറച്ചുനാളുകളായി അവളുടെ പെരുമാറ്റത്തിൽ പല പ്രകടമായ മാറ്റങ്ങളും കണ്ടുതുടങ്ങിയിരുന്നു..... അങ്ങനെ ഒരുദിവസം എസ്റ്റേറ്റിൽ വെച്ച് ടോണിയും മുതലാളിയും തമ്മിൽ വഴക്കുണ്ടായി..... മുതലാളി സ്വത്തുക്കളിൽ പാതി അവളുടെ പേരിൽ എഴുതി വെക്കാൻ തീരുമാനിച്ചിരുന്നു.... പക്ഷെ അത് ടോണിക്ക് തീരെ ഇഷ്ടപ്പെട്ടില്ല..... അതിന്റെ പേരിലാണ് വാക്കേറ്റമുണ്ടായത്....അവൾ ഇല്ലാതെയായാൽ ആ സ്വത്തുക്കൾ മുഴുവനായും ടോണിക്ക് കിട്ടും.... അങ്ങനെ അയാൾ പ്ലാൻ ചെയ്തതാണ് അവളുടെ കൊലപാതകം...അയാൾ എനിക്ക് കുറെ പണവും തന്നു.... പക്ഷെ എനിക്ക് അത് ചെയ്യാൻ കഴിഞ്ഞില്ല അതിന് മുന്നേ അവൾ കൊല്ലപ്പെട്ടിരുന്നു........'
'എത്ര രൂപ.......'
'1 ലക്ഷം......'
'കൃത്യം നീ ചെയ്തില്ലെങ്കിൽ പിന്നെ ടോണി പണം തിരികെ ചോദിച്ചില്ലേ......'
'ഇല്ല സർ....... അവൻ ചോദിച്ചില്ല.............'
'പിന്നീട് ടോണി ഇവിടെ വന്നിട്ടില്ലേ....'
'വന്നിരുന്നു.. അത് അവളുടെ ബോഡി മലയിടുക്കിൽ നിന്നും കണ്ടെത്തിയ ദിവസം....പക്ഷെ അയാളുടെ മുഖം അത് എനിക്ക് വായിച്ചെടുക്കാൻ കഴിയുമായിരുന്നില്ല ......'
'പോലീസ് മൊഴിയെടുത്തപ്പോൾ എന്തുകൊണ്ട് നീ ഇതൊന്നും പറഞ്ഞില്ല.....'
'അത് സർ.... പേടിച്ചിട്ടാണ്....'
'ശരി അപ്പൊ.. ഇപ്പോൾ പറഞ്ഞതോ...'
'സർ അത് ഞാൻ......'
സമയം 1 മണിയോട് അടുത്തിരുന്നു.ഞാൻ ഫോൺ എടുത്ത് രവിയെ വിളിച്ചു...
'രവി ദി കേസ് ഈസ് ക്ലോസ്ഡ്.....നാളെ ഒരു അറസ്റ്റ് രേഖപെടുത്താനുണ്ട്......'
'ശരി സർ ഞങ്ങൾ രാവിലെ എത്താം.....'
'ഓക്കേ രവി....'
'ബട്ട് സർ...ആരുടെ അറസ്റ്റ് ആണ് സർ ആരാണ് പ്രതി..... '
'അലീന.............'
തുടരും ...
അക്ഷയ്.
