ഏലത്തോട്ടത്തിലെ മാലാഖ-2 ..
----------------------------------------------
സ്റ്റെപ് ഇറങ്ങി ചെന്ന് ഞാൻ വാതിൽ തുറന്നു....
ക്രിസ്റ്റി ആയിരുന്നു......
'എന്ത് പറ്റി ക്രിസ്റ്റി...ഭാര്യ ഒറ്റക്കാണെന്ന് പറഞ്ഞിട്ട്....'
'അവളെ ഞാൻ...ഞാൻ അടുത്ത വീട്ടിൽ ആക്കി സർ...'
'ആണോ ശരി...ക്രിസ്റ്റി വാ..നമുക്ക് കേസിനെ പറ്റി കുറച് സംസാരിക്കാം...'
വീടിന്റെ വാതിലടച്ചു ഞങ്ങൾ മുറിയിലേക്ക് നടന്നു.... മേശപ്പുറത്തിരുന്ന ഫയൽ അടച്ചുവെച്ചിട്ട് ഞാൻ ക്രിസ്റ്റിയോട് സംസാരിക്കാൻ തുടങ്ങി....
'ക്രിസ്റ്റി എനിക്ക് എയ്ഞ്ചൽനെ കുറിച് കൂടുതൽ അറിയണം....'
'സർ എനിക്ക്... എനിക്ക് അവളെ പറ്റി കൂടുതൽ ഒന്നും അറിയില്ല...അറിയുന്ന കാര്യങ്ങൾ പറയാം സർ...'
'ശരി പറയു....'
അയാൾ എന്തോ പേടിക്കുന്നത് പോലെയോ മറ്റോ എനിക്ക് തോന്നി.... കുറച്ചു സമയം ആലോചിച്ചതിന് ശേഷം ക്രിസ്റ്റി പറഞ്ഞു തുടങ്ങി.....
'സർ ഞാൻ ഇവിടെ ജോലിക്ക് വന്നിട്ട് അധികം നാളായില്ല ഏതാണ്ട് 6-7 മാസം മാത്രം... പക്ഷെ അവൾ ജനിച്ചുവളർന്നത് ഇവിടെയാണ്.... ഇവിടെ എല്ലാവർക്കും അവളെ അറിയാം.... ഒറ്റക്കായിരുന്നു താമസം.... അവളുടെ അമ്മ ഞാൻ ഇവിടെ ജോലിക്ക് വന്ന് കുറച് നാളുകൾക്ക് ശേഷം മരിച്ചുപോയി.....അവളെയും അമ്മയെയും ചേർത്ത് പല കഥകളും ഇവിടെ ജോലിക്കാർക്കിടയിൽ ഉണ്ട് സർ......'
'കഥകളോ എന്ത് കഥകൾ.... !! '
'സർ അത്.... '
'ക്രിസ്റ്റി പറ...'
'സർ പാപ്പച്ചൻ മുതലാളിയുടെ മകൾ ആണ് എയ്ഞ്ചൽ... '
'വാട്ട് ???'
'എസ് സർ ഈ അടുത്ത സമയത്താണ് ഈ വിവരം പുറം ലോകം അറിഞ്ഞത്... ആ സംഭവത്തിന് ശേഷം മുതലാളിക്ക് എസ്റ്റേറ്റിൽ വലിയ നോട്ടവും കാര്യവും ഒന്നുമില്ല... പുള്ളി ഭാര്യയും കുടുംബവുമായി ഒക്കെ അകന്ന് ജീവിക്കാൻ തുടങ്ങി... സദാസമയം കള്ളുകുടിയും ഒക്കെ ആയി അകെ പാടെ തകർന്ന് പോയിരുന്നു അദ്ദേഹം... അങ്ങനെ ഇരിക്കെയാണ് ഇവിടെ ഒരാഴ്ചക്ക് മുന്നേ തൊഴിലാളി സമരം തുടങ്ങിയത്... കൂലിയും മറ്റ് ആനുകൂല്യങ്ങളും ഒക്കെ കൂട്ടി ചോതിച്ചുകൊണ്ട്.... അതിന് മുന്നിൽ നിന്നത് അവളായിരുന്നു.....
അത് മുതലാളിയെ വല്ലാതെ ചോടിപ്പിച്ചു.....അങ്ങനെ സമരം നടക്കുന്നതിന്റെ ഇടക്കാണ് ഈ സംഭവം എല്ലാം ഉണ്ടായത്.....'
'ഓഹോ അങ്ങനെയൊക്കെയാണല്ലേ കാര്യങ്ങൾ... ക്രിസ്റ്റി എന്താ കരുതുന്നത് ഇത് ആത്മഹത്യ ആണോ അതോ ആരെങ്കിലും അവളെ......'
'ഇല്ല സർ അവളോട് ഇവിടെ ആർക്കും ദേഷ്യം ഒന്നുമില്ല.എല്ലാവർക്കും വലിയ കാര്യമായിരുന്നു അവളെ.....സ്വന്തം അച്ഛനെതിരെ സമരം നടത്തുന്നതിൽ ഉള്ള വിഷമം കൊണ്ടും പിന്നെ ജീവിതത്തിൽ ഒറ്റക്കായതുകൊണ്ടും ഒക്കെ ചെയ്തതാകും......'
'ക്രിസ്റ്റി എനിക്ക് എയ്ഞ്ചൽൻറെ വീട് ഒന്ന് കാണണം....'
'സർ ഈ രാത്രിയിൽ....'
'അതെ ഇന്ന് തന്നെ വേണം.....'
'ശരി സർ പോകാം....'
ഞാൻ ക്രിസ്റ്റയുടെ കൂടെ ഇറങ്ങി... പുറത്ത് നല്ല തണുപ്പുണ്ടായിരുന്നു....ഗസ്റ്റ് ഹൗസ് കടന്ന് ഞങ്ങൾ നടന്നു....ചെറിയ ചെറിയ വീടുകളാണ് ചുറ്റും.. ദൂരെ ഒരു വീട് ചൂണ്ടികൊണ്ട് ക്രിസ്റ്റി വീണ്ടും സംസാരിച്ചു തുടങ്ങി....
'അതാ സർ അവളുടെ വീട്.... താക്കോൽ അപ്പുറത്തെ വീട്ടിൽ ഉണ്ട് ഞാൻ വാങ്ങി തരാം സർ അങ്ങോട്ട് നടന്നോ.....'
'ശരി ക്രിസ്റ്റി.....'
ഞാൻ അങ്ങോട്ട് നടക്കാൻ തുടങ്ങി....തണുത്തകാറ്റ് വീശുന്നുണ്ട്... കാറ്റിന് എന്തോ വല്ലാത്തൊരു വശ്യമായ ഗന്ധമാണ്.....
ഒന്ന് കണ്ണടച്ച് നിന്നാൽ എനിക്ക് അവളെ കാണാം....
'സർ.... സർ '
ക്രിസ്റ്റി എന്നെ തട്ടിവിളിച്ചു...
'സർ താക്കോൽ...സർ വീട്ടിലോട്ട് കയറിക്കോ ഞാൻ എന്റെ വീട് വരെ ഒന്ന്....'
'ശരി ക്രിസ്റ്റി...'
അത് ഒരു കൊച്ചുവീടായിയുന്നു.ഓടിട്ട ഒരു കൊച്ചുവീട്...
ഞാൻ വീടിന്റെ ഉള്ളിലേക്ക് കയറി... 2-3 മുറികൾ മാത്രം.....
വലത്തേ സൈഡിൽ അവളുടെ മുറിയാണെന്നു തോന്നുന്നു...
ഞാൻ വാതിൽ തുറന്ന് ഉള്ളിൽ കയറി ലൈറ്റ് ഇട്ടു.....
നല്ല അടുക്കും ചിട്ടയുമുള്ള മുറി...എല്ലാം വൃത്തിയായി സൂക്ഷിച്ചിരുന്നു..... മേശ വലിക്കുന്നതിന്റെ ഇടയിലാണ് അത് എന്റെ കണ്ണിൽ പെട്ടത്...
അവളുടെ ഡയറി...ഞാൻ ആ ഡയറി കയ്യിലെടുത്തു അവസാനത്തെ പേജ് തുറന്നു.....
20-12-17
'ഇത് ഇനിയും എനിക്ക് താങ്ങാൻ കഴിയില്ല.....എല്ലാം ഒരിക്കൽ ഞാൻ അവസാനിപ്പിക്കും... ഒറ്റക്കാവുന്നത് പോലെ....അയാൾ.....'
'സർ...'
ഞാൻ തിരിഞ്ഞു നോക്കി വീണ്ടും ക്രിസ്റ്റി...
'എന്തായി സർ എന്തെങ്കിലും കിട്ടിയോ....'
'താൻ വാ നമുക്ക് റൂമിൽ പോകാം...'
'ശരി സർ....'
'ഭാര്യക്ക് എന്ത് പറ്റി...'
'അവൾക്ക് ഭയങ്കര തലവേദനയാണ് സർ ഞാൻ മരുന്ന് കൊടുത്തു.....'
തിരികെ നടക്കുന്ന വഴിയിൽ ഞാൻ ഫോൺ എടുത്ത് രവിയെ വിളിച്ചു...
'രവി... നാളെ രാവിലെ തന്നെ വരണം എനിക്ക് സ്പോട് ഒന്ന് കാണണം.... പറ്റിയാൽ നാളെ....... അഹ് രവി വരുമ്പോൾ അവളെ.....കല്യാണിയെ കൂടെ വിളിക്കണം.....'
'ഓക്കേ സർ രാവിലെ തന്നെ എത്താം സർ... ഗുഡ് നൈറ്റ്...'
'സർ അപ്പൊ ആളെ കിട്ടിയോ...'
ക്രിസ്റ്റി ചോതിച്ചു...
'അഹ് നാളെ കണ്ടുപിടിക്കാം... നീ വാ..'
'സാറിന് കല്യാണി മാഡത്തെ നേരത്തെ അറിയുമോ....'
'കല്യാണി... ഷി ഈസ് മൈ വൈഫ്..... നോ ഷി വാസ്.......'
'സോറി സർ.....'
'എന്തിന് അത് ഒക്കെ അടഞ്ഞു പോയ കേസ് ഫയൽ ആണ് ക്രിസ്റ്റി.....'
ഞങ്ങൾ വാതിൽ തുറന്ന് മുറിയിൽ കയറി....വാതിൽ കുറ്റിയിട്ടു....
'ക്രിസ്റ്റി... എനിക്ക് നിന്നോട് ഒരു കാര്യം കൂടി ചോദിച്ചറിയാനുണ്ട്......'
'എന്താണ് സർ ചോദിച്ചോ സർ.....'
'ക്രിസ്റ്റി..... നീ എന്തിനാടാ അവളെ കൊന്നത്.............'
തുടരും...
അക്ഷയ്..